كنت مروحه كنت مروحه بارك

كده كده سامعين كل يوم إنتي مبتعمليش حاجة وإنتي قاعدة ببلاش وإنتي متستاهليش عربية
حماتي قالت أيوه ما هو بيت ابني ومن حقى أحافظ عليه
أبويا قال لها بيت ابنك اللي مراته بتدفعه ابنك اللي ساكن ببلاش في بيت أهله ومراته بتدفع كل حاجة ومع ذلك بتاخدي منها مفاتيح عربيتها وتسيبيها تعرج في الشارع بابنها
حمايا طلع على الصوت من جوه البيت وقال في إيه صوتكم عالي ليه
حماتي قالت الحق يا حاج بنتك وجوزها جايين يتهجموا علينا
حمايا بص لأبويا وقال أهلا وسهلا اتفضل جوه نتكلم
أبويا قال له أنا مش داخل غير لما بنتي تاخد حقها قدام عيني
قلت لأبويا يا بابا أنا عايزة مفاتيحي بس
حماتي قالت مفاتيح إيه العربية دي باسم ابني
أبويا قال لها باسم ابنك بس فلوسها فلوس بنتي ومعايا كشف حساب بكل قسط ادفع من حساب بنتي من أول شهر لحد النهاردة
حماتي اتلخبطت وقالت كشف إيه إنت جاي تهددنا
أبويا قال لا أنا جاي أوريكي إن بنتي مش قاعدة ببلاش زي ما بتقولي قدام الناس بنتي هي اللي شايلة البيت ده
جوزي قال يا عمي أرجوك بلاش فضايح
أبويا بص له وقال له الڤضيحة الحقيقية إنك تسيب مراتك تعرج بابنك في الشارع عشان ترضي أمك
الكلمة دي وجعت جوزي أوي
قعد على الرصيف وحط وشه في إيديه
ابني بدأ يعيط وأبويا اداهولي
خدته في حضڼي وأنا واقفة برجلي الوارمة وحاسة إن كل التعب بتاع ست شهور طالع مرة واحدة
حماتي قالت طب خلاص خدي المفاتيح وخلصينا
ورمت المفاتيح على الأرض قدام رجلي
أبويا وطى خدها قبل ما أوطي أنا عشان رجلي مش قادرة
واداهالي وقال لها بعد كده لما تحبي تحافظي على بيت ابنك حافظي على مرات ابنك الأول
حمايا قال لأبويا حقك عليا يا راجل يا محترم إحنا مقدرناش بنتك
أبويا قال له بنتي مش محتاجة تقدير بكلام محتاجة أفعال
بصيت لجوزي اللي لسه قاعد على الرصيف وقلت له قوم
قال لي قوم فين
قلت له هتروح معايا ولا هتفضل هنا
سكت
حماتي قالت له خليك يا حبيبي هي هتهدى وترجع
قلت له لا أنا مش هرجع تاني البيت ده
أبويا

قال لي تعالي عندي إنت وابنك لحد ما رجلك تخف وبعدين نشوف هتعملي إيه
ركبنا العربية أنا وأبويا وابني والمفاتيح في إيدي وسبنا جوزي قاعد على الرصيف جنب أمه وأبوه
طول الطريق وأنا بعيط من غير صوت وابني نايم على كتفي
أبويا قال لي إنتي عارفة إنك من حقك تاخدي العربية لأنك اللي بتدفعيها حتى لو باسم جوزك القانون معاكي
قلت له مش عايزة قانون يا بابا أنا عايزة جوزي يبقى راجل ويقف جنبي مرة واحدة
قال لي الرجولة مش بتتطلب الرجولة بتتعمل
روحنا بيت أهلي أمي أول ما شافتني برجلي الوارمة وابني بيعيط حضنتني وقالت لي حمد الله على السلامة
قعدت عندهم أسبوع رجلي خفت شوية وكنت بشتغل من عندهم وباخد بالي من ابني
جوزي كان بيكلمني كل يوم يقول لي ارجعي أمي عرفت غلطها
أقول له خليها هي اللي تكلمني
حماتي عمرها ما كلمتني
بعد أسبوع جوزي جه بيت أهلي ومعاه ورقة
قال لي أنا نقلت العربية باسمك خلاص رحت الشهر العقاري ونقلت الملكية ومعتش حد ليه عندك حاجة
وقال لي كمان أنا لقيت شغل هشتغل من الأسبوع الجاي حتى لو بمرتب قليل بس مش هفضل قاعد من غير شغل تاني
أبويا بص له وقال له وبيت أهلك
قال له هفضل أروح أزورهم بس مش هسكن معاهم تاني هشوف شقة صغيرة على قدنا حتى لو أوضة وصالة بس تبقى بتاعتنا ومحدش ياخد مفاتيح مراتي تاني
ساعتها أنا حسيت إن جوزي لأول مرة من ست شهور رفع راسه بجد
قلت له طب ومامتك
قال لي أمي هتفضل أمي بس إنتي مراتي وأم ابني ومن حقك محدش يهينك ولو هي زعلت هحاول أرضيها من غير ما آجي عليكي تاني
أمي قالت له كلام رجالة
رجعت معاه شقة صغيرة لقيناها إيجارها على قد مرتبي ومرتبه الجديد
العربية بقت باسمي والمفاتيح بقت في جيبي ومحدش بقى يقول لي متستاهليش
وحماتي لما عرفت إن العربية بقت باسمي بطلت تقول إنها عربية العيلة
بقت لما تيجي تزورنا تقول لي ممكن آخد العربية أروح مشوار
أقول لها اتفضلي بس ترجعيها وفيها بنزين
اتعلمت تقول لو سمحتي
وأنا اتعلمت أقول لا من