حماتي سمت بناتي

البركة بتيجي بالحب مش بالاسم بالعافية
قفلت معاها وأنا إيدي بتترعش
جوزي رجع من الشغل بالليل وقال لي أمي كلمتك
قلت له آه
قال وأنا كلمت أبويا وأبويا قال لي سيبك منها دي بقالها سنين بتحاول تسمي أي بنت في العيلة على اسم أختها ومحدش رضي وكل مرة بتزعل وټعيط وتقول محدش بيحب أختى
قلت له يعني الموضوع قديم
قال آه قديم أوي من قبل ما نتجوز حتى أختي لما خلفت بنت مرضتش تسميها على اسم خالتها وحماتي قاطعتها ست شهور
قلت له وإنت عارف كل ده وموافق تديها بنت من بناتي
قال أنا كنت فاكر إنك هتوافقي لو فهمتي القصة
قلت له القصة توجع بس مش مبرر تاخدوا قرار من ورايا
قال طب نعمل إيه دلوقتي
قلت له مفيش نعمل إيه دول بناتي وأنا مسمياهم الأسماء اللي اتفقنا عليها وانتهينا
قال طب والبطاطين
قلت له رجعهم
قال مقدرش أرجعهم هي زعلت أوي وهي اللي عاملاهم بإيديها
قلت له خلاص خليهم في الدولاب بس مش هنستخدمهم
بعدها بأسبوعين الولادة قربت وبطني بقت تقيلة أوي مبقتش قادرة أقوم من السرير
حماتي بقت تيجي كل يوم تجيب أكل لجوزي وتقعد تبص على بطني وتقول يا ترى مين فيهم حماتي الصغيرة ومين أختها
كنت بسكت
مرة مقدرتش أسكت وقلت لها ولا واحدة فيهم حماتي ولا أختها دول بناتي أنا
قامت معيطة وخرجت وجوزي جري وراها
رجع بعد ساعة وقال لي حرام عليكي دي ست كبيرة وبطعيط في العربية
قلت له وأنا ست حامل في توأم وبعيط في أوضتي كل يوم ومحدش بيجري ورايا
سكت
يوم الولادة جوزي كان معايا في المستشفى وحماتي وأمي بره
ولدت قيصري وتعبت أوي والبنتين دخلوا الحضانة يومين عشان وزنهم قليل
وأنا في أوضة الإفاقة سمعت حماتي بره بتقول للممرضة لو سمحتي اكتبي أسامي البنات في الكروت حماتي الصغيرة وأختها
الممرضة قالت لها الأسامي اللي الأم كتبتها في الملف
حماتي قالت لا أنا جدتهم وأنا اللي مسمياهم
أمي ردت عليها وقالت لا دول بنات بنتي وهي اللي مسمياهم واتخانقوا بره
جوزي دخل عليا ووشه مضغوط وقال لي معلش يا حبيبتي أمي متوترة
قلت له اطلع قول لها لو كتبت اسم غير اللي أنا كتبته أنا مش هخليها تشوفهم
طلع وقال لها حاجة معرفش إيه بس سكتوا
بعد ما خرجنا من المستشفى وروحنا البيت حماتي جت تزورنا جابت نفس البطانيتين تاني مغسولين ومكويين
قالت عشان البنات يتدفوا
قلت لها شكرا وحطيتهم على جنب
قعدت تبص على البنتين في السرير بتاعهم وقالت سبحان الله دي شبه أختي بالظبط ودي شبهي وأنا صغيرة
قلت لها لا دول شبه بعض
قالت لا أنا عارفة أنا شايفة أختي راجعة
جوزي بص لي كأنه بيقول لي اسكتي
سكت عشان تعبانة
بليل بعد ما مشيت جوزي قال لي ممكن نسمي واحدة منهم اسم مركب يعني اسم من عندك واسم من عندها
قلت له يعني إيه
قال يعني نسمي واحدة اسم من اللي اخترناه وجنبه اسم حماتي والتانية اسم من اللي اخترناه وجنبه اسم أختها
قلت له إنت بتهزر إنت عايز بنتي يبقى اسمها مركب طوله متر عشان ترضي أمك
قال لا عشان نخلص من الخناقة
قلت له الخناقة هتخلص لما تقول لأمك لا
قال مقدرش أقول لها لا طول عمري مقدرش أقول لها لا
قلت له وأنا طول عمري بقول حاضر لحد ما بقيت مش عارفة بناتي هيتسموا إيه
سكتنا
تاني يوم أمي جت وقالت لي بصي يا بنتي أنا هقولك حاجة حماتك مش وحشة هي موجوعة بجد على أختها بس الۏجع ده مش معناه تاخد بناتك منك إنتي اللي من حقك تسمي وإنتي اللي هتنادي