حماتي عزمت 38 واحده من صاحبت
وقلت لها
مطعمك زي زمان كان ببلاش إنما دلوقتي الدفع مقدما ولو معكيش فلوس متجيش عشان مش هطردك قدام الناس تاني عشان أنا متربية عنك
عملت لي بلوك
ارتحت
بعدها بشهر المحامي كلمني وقال لي إن جوزي السابق باع عربيته عشان يسد الدين اللي عليه ليا
وإنه بيشتغل دليفري دلوقتي
وإن الست الصغيرة سابته لما عرفت إنه مفلس
زعلت
آه والله زعلت عليه
مش عشان بحبه
عشان افتكرت أول يوم اتجوزنا فيه لما كان راجل طيب وبيقول لي أنا هساعدك تعملي أحلى مطعم في الدنيا
بس الطمع والكدب بتاع أمه بوظه
المهم
النهاردة المطعم بقاله 7 سنين
بقى من أشهر المطاعم في كاليفورنيا
عندي 20 موظف كلهم ستات جدعة
علمتهم أول حاجة
محدش ياخد حقك واسكتي
اللي ياخد جنيه من تعبك اقطعي إيده بالقانون
وعلقت ورقة كبيرة في المطبخ مكتوب عليها
المطعم ده بتاع ست
ست تعبت وشقيت واتسرقت واتخانت ووقفت على رجلها تاني
اللي مش عاجبه الباب يفوت جمل
وكل يوم الصبح بدخل المطعم
أبص للورقة دي وأقول الحمد لله
الحمد لله إني فوقت قبل ما أمضي على ورق يضيع شقايا
الحمد لله إني قلت لا
كلمة لا اللي غيرت حياتي كلها
