كان عندي 39

بوحدة غريبة
لحد ما في يوم وأنا في الشهر التامن جالي طلق مبكر
جريوا بيا على المستشفى والدكتورة قالت لازم نولد دلوقتي حالا البيبي في خطړ وإنتي في خطړ
كنت بمۏت من الخۏف لوحدي في أوضة العمليات وأهلي بره بيعيطوا
وبنتي الكبيرة مسافرة ومش هتلحق تيجي
وفجأة وأنا داخلة العمليات لقيت حد ماسك إيدي
ببص لقيته جوزي السابق
لابس لبس المستشفى ووشه أصفر وبيترعش
قال لي مټخافيش أنا هنا
قلت له إنت إيه اللي جابك
قال أمك كلمتني قالت لي بنتي بټموت في العمليات تعال شوفها
قلت له أنا مش عايزاك
قال أنا عارف بس مش هسيبك تولدي لوحدك حتى لو إنتي مش طايقاني
دخلت العمليات وولدت قيصري
والبيبي طلع ولد صغير جدا وزنه قليل ودخلوه الحضانة على طول
الدكتورة قالت الحمد لله إننا لحقناكم إنتي كنتي هتروحي فيها والولد كمان
فضلت 3 أيام في المستشفى مش قادرة أقوم من السرير
وجوزي السابق كان قاعد بره الأوضة على كرسي مش بيمشي
أمي قالت لي ده بقاله 3 أيام نايم على كرسي بره مروحش بيته ولا استحمى ولا كل بيقول عايز يطمن على ابنه
قلت لها مش عايزة أشوفه
قالت يا بنتي ده أبو الواد مهما كان اللي عمله ده ابنه
قلت لها أبو الواد كان هيموتني عشان يجيب الواد ده
سكتت
بعد 3 أيام الدكتور سمح لي أقوم أشوف البيبي في الحضانة
قمت وأنا ماسكة في أمي وماشية بالعافية
دخلت الحضانة لقيت البيبي نايم جوه حضانة إزاز صغيرة ومركب له خراطيم كتير
ولقيت جوزي السابق واقف قدامه وبيعيط بصوت واطي وحاطط إيده على الإزاز
أول ما شافني قال شايفة ابنك شايفة عملت فيكي إيه
قلت له شايفة
قال أنا عمري ما كنت أتخيل إن اللي عملته هيوصلك لكده كنت فاكر إن الحمل زي أي حمل هيعدي وخلاص مكنتش أعرف إنك ممكن ټموتي بسببي
قلت له الدكتورة قالت لك 100 مرة الحمل خطړ عليا وإنت مسمعتش
قال كنت أناني كنت بفكر في نفسي بس كنت عايز ولد وخلاص مكنتش بفكر فيكي
وبعدين وطى على ركبه قدامي في نص الحضانة والممرضات بتبص علينا وقال سامحيني أنا مش بطلب ترجعيلي أنا بطلب تسامحيني عشان أعرف أبص لابني في وشه من غير ما أحس إني كنت ھموت أمه عشان أجيبه
ساعتها معرفتش أقول إيه
أنا كنت لسه تعبانة ومفتوحة بطني وابني في الحضانة بين الحياة والمۏت
قلت له قوم من على الأرض الناس بتتفرج علينا
قال مش هقوم غير لما تقولي مسامحاك
قلت له أنا مش مسامحاك دلوقتي بس مش كرهاك أنا تعبانة ومش قادرة أفكر في السماح دلوقتي خليني أشوف ابني الأول
قام ومسح دموعه
بعد أسبوع البيبي خرج من الحضانة وبقى كويس الحمد لله
وسمته على اسم أبويا اللي وقف جنبي
ورجعت بيت أهلي بالبيبي
وجوزي السابق بقى ييجي كل يوم يخبط على الباب ويجيب لبن وبامبرز ويمشي من غير ما يدخل
أمي كانت بتاخد الحاجة وتحطها جوه من غير ما تقول لي
لحد ما في يوم بنتي الكبيرة جت من الجامعة وشافت أخوها الصغير وشالته وقعدت ټعيط
قالت يا ماما ده شبهك خالص
وبعدين قالت بابا بره عايز يشوفه
قلت لها دخليه
دخل شاف الواد وشاله لأول مرة
فضل شايله ومش عايز يسيبه وبيقول له يا حبيبي أنا آسف يا حبيبي أنا آسف إني كنت السبب إن مامتك تتوجع بسببك
والواد نايم في حضنه مش حاسس بحاجة
بنتي الكبيرة قالت يا ماما بابا اتغير خالص من ساعة ما مشينا ده بقى بيصلي وبقى بيروح لدكتور نفسي وبيقول إنه عرف إنه كان مريض بحب التحكم
قلت لها حتى لو اتغير اللي عمله مش سهل